لامعي بيجرولاجوال والله يعلم بالحال

الا يالله عفـوك لامعـي بيـجـر ولاجــوال
ولا عنـدي وظيفـه والتجـاره فاشـلٍ فيهـا
ولاعندي شهـاداتٍ ولاحرفـه تسـد الحـال
ولا حـظٍ كبيـر لا اخطـت الجـره يقديـهـا
مخابي الثوب مادخلها من زمـان ريـال
بها فاتـورة الكهـرب ولا يمدينـي اقضيهـا
على ذيك العراوي تتعب الحادي مـع الجمّـال
ثلاث اشهـور فالورشـه وشهريـنٍ مغطيهـا
ابيها لو تجمّل يـوم واجلبهـا علـى الـدلاّل
يجيها واحـدٍ حظـه مثـل حظـي ويشريهـا
نصيت العسكريّه يوم قالـوا للنظـام رجـال
وقدّمـت الملـف وصـورةٍ متشخـصٍ فيهـا
خذا الاوراق مني واحدٍ مـا عنـد ابـوه دلال
سلوم الناس واهل المعرفه والطيب مخطيهـا
قراها في دقيقه والتفـت عجـلٍ علـي وقـال
شهادتك العظيمه يا ولد ويـن انـت مخفيهـا
هزّيت الراس ماعندي تقول اني مـن البنقـال
وقمت احـب خشمـه واطلبـه بالله تمشّيهـا
حذفها من يده شين الطبيعـه والنبـا والفـالِ
وقال ازين تعـوّد صـوب نوقاتـك تعشّيهـاِ
تناوشته من الكرسي وعفت الحـل والترحـال
وضربته بالبياله عقـب مـا بيّحـت شاهيهـا
خذوني للسجن لا نيـب لا ظالـم ولا محتـال
مجرّد واحـدٍ جـا يكحـل عيونـه فيعميهـا
ويوم اني خرجت اقفيت لارض الله وسيع الجال
علـى بـرٍ هـواه يـداوي العلّـه ويبريهـا
ادوّر قصعة الجربوع والضب الفتـي يختـال
والارنب يا شفاة الروح ما احلاهـا وطاريهـا
بـلا كهـرب ولابيجـر ولاغـازٍ ولانـقّـال
قوانين الحضـاره ماتبـي شوفـي ولا ابيهـا

مشكور ياابومازن والله يعطيك العافيه
جهد تشكر عليه
_________________