الطيب فرصه والجمايل توافيق

________________________________________

الطيب فرصـه والجمايـل توافيـق
ومن لاتوفق ماكتـب لـه جمالـه

ومن لارقى بالطيب روس الشواهيق
مازان لـه وقتـه علـى مابدالـه

ومادام لفعول الجمايـل عشاشيـق
كسب الجمايل مايجـي بالسهالـه

ولو إنها تشرب مـعَ فكـة الريـق
كلٍ خذا له كل مـا أصبـح بيالـه!

والطيب منوه للقلـوب المشافيـق
كـلٍ يتـوق ومنوتـه راس مالـه

والمدح مايزهى على الرجل ويليق
ألاّ لاصـارت وافيـاتٍ خصـالـه

يستاهلـه رجـلٍ يفـك المزانيـق
اللي يقـال ونعـم لاجـاء مجالـه

ومن ساقته نفسه وهو مابعد سيق
لأجـل الجميـل يزيّـن الله فالـه

والمرجله ماهيب تحتـاج تنسيـق
من بين قلب اللي عشقهـا وبالـه

ومن عادة الدنيا تخـون المواثيـق
تفتـر مكرتهـا سـوات المحالـه

ولولا اللوازم مافرقنـا المخاليـق
مايعرف الرجّـال ليـن يعنـا لـه

والكفو تظهر فزعته حـزة الضيـق
وينشاف فالشـده بعيـن العدالـه

نسل الرجـال متعّبيـن الملاحيـق
متوسطٍ مـن بيـن عمّـه وخالـه

واللي يطيق ولا بغى قال ما أطيـق
تحرم عليـه المرجلـه والشكالـه

والهيّنه تكبر على اللاّش والهيـق
له فالرخاء قاله وفالضيـق قالـه

والطيب شاره والضمائر صناديـق
والـلاّش طيبـه ماتعـدّى ظلالـه

وأنا أسبر قلوب الرجـال المغاليـق
والصامت أقطع غايته مـن مقالـه

ومـادام فالدنيـا رجـالٍ مطاليـق
نصيتهـم والـلاّش مالـي ومالـه

بارك الله فيك كلمات اكثر من رائعه

والطيب شاره والضمائر صناديـق
والـلاّش طيبـه ماتعـدّى ظلالـه

بيت مليان00مشكور وبارك الله فى القائل

ابو شهد ومسك شكرا على مروركم وبالتوفيق للجميع

مع تحيات ابو ( مـــــــــــــــــازن )