قالو ان السوق مدحدر

قالوا ان السوق مدحـدر
قلـت يالله انـك تستـر
الدراهـم فـي المحافـظ
والبنـك شـويٍ ويسكّـر
**
سوقنـا الله يعلـم بــه
طايح في ناسٍ تلعب بـه
يشوتونه شـوت الكـوره
والضعيّف ما يكسب بـه
**
اللي ورطـانٍ فالصالـه
يصفـق يمينـه بشمالـه
يوم يشوف سهومه طاحت
ودموع عيونـه همّالـه
**
واللي علـى الكمبيوتـر
كنه يعشّـق لـه موتـر
تعطـل وقـت الـتـداول
والهاتف يطلبـه يفوتـر
**
واللي ماخذهـا للصاجـه
يكاكـي مثـل الدجاجـه
كـل فلوسـه فالمواشـي
والراعي قفّـى بنعاجـه
**
واللي حاطـز فالفنـادق
في جنب الصاله ويشاهق
شـويٍ ويضيّـع عقلـه
يمـد اقدامـه ويفاهـق
**
واللي طمـر فالمصافـي
غشيـمٍ لاكـن متعافـي
المبلـغ ماهـوب هويّـن
هذا هاتوا لـه الاسعافـي
**
واللي خذا فـي صافـولا
راحـت عويناتـه حـولا
يظهـرونـه بالنقّـالـه
فـوق الأيـادي محمـولا
**
واللـي تـورط فالزامـل
يترنـح مثـل الحـامـل
لاشافهـا تحـت النسبـه
يعض اطـراف الانامـل
**
واللـي دخـل فالفتيحـي
عانوه يوقّـف ويطيحـي
يوم انه شـاف التجـاره
راحت في مهب الريحـي
**
واللي تعلّق في الكهـرب
ماله مجال انـه يهّـرب
يبطي وهو فـي مكانـه
يتحكـك مثـل الاجـرب
**
هذا حال اهـل التـداول
بيـن البلنتـي والفـاول
واللي ماهوب مصدقنـي
يدخل في الاسهم ويحاول

بارك الله فيك00روعه

مسك *المسعودي شكرا على مروركم ويهمني رضاكم وجميع الرواد

المسعودي وين راح ابو زقاره الي يشفط ليل نهار

مشكور ياابو مازن والله يعطيك العافيه
_________________